Ақпараттық жүйелер және моделдеу

 Кафедра меңгерушісі

Изтаев Жалғасбек Дулатұлы

педагогика ғылымдарының кандидаты, доцент

Мекен-жайы: Шымкент қ., 486018, Тәуке хан даңғ. 5, ОҚМУ,  «4» корпусы, 7-қабат, 701 каб.

Телефоны: 8(7252) 30-05-88

e-mail: Zhalgasbek71@mail.ru

►Профессор – оқытушылар құрамы

Жалпы мәлімет

«Ақпараттық жүйелер және моделдеу» кафедрасында мына мамандықтар бойынша мамандар әзірленеді:

5В070300 – Ақпараттық жүйелер

Оқу мерзімі: 4 жыл

Маман біліктілігі: Ақпараттық жүйелер мамандығы бойынша бакалавры.

Білім беру бағдарламасының  мақсаттары мен міндеттері

Магистратура

6M070300 – Ақпараттық жүйелер

Білім беру бағдарламасының мақсаттары мен міндеттері

5В070500 – Математикалық және компьютерлік моделдеу

Оқу мерзімі: 4 жыл

Маман біліктілігі: Математикалық және компьютерлік моделдеу мамандығы бойынша бакалавры.

Білім беру бағдарламасының мақсаттары мен міндеттері

Магистратура

6М070500 – Математикалық және компьютерлік моделдеу

Білім беру бағдарламасының мақсаты мен міндеттері

«Ақпараттық  жүйелер және моделдеу » кафедрасының тарихы

2017 жылы қыркүйек айынан бастап «Ақпараттық жүйелер» кафедрасы мен  «Математикалық тәсілдер және модельдеу» кафедрасы біріктіріліп, кафедра атауы «Ақпараттық жүйелер және моделдеу» кафедрасы болып өзгертілді.

«Ақпараттық жүйелер» кафедрасы 2002 жылы М.Әуезов атындағы ОҚМУ-нің Экономикалық кибернетика кафедрасының негізінде құрылған. Кафедра даярлайтын мамандар:

  • екі білім беру бағдарламасы бойынша бакалаврлар: 5В070300 – «Ақпараттық жүйелер» және 5В070500 – «Математикалық компьютерлік модельдеу»;
  • екі білім беру бағдарламасы бойынша магистрлар: 6М070300 – «Ақпараттық жүйелер» және 6М070500 – «Математикалық компьютерлік модельдеу»;

 «Ақпараттық жүйелер және моделдеу» кафедрасының магистрлері шет елдерде іс-тәжірибеден өтеді. «Ақпараттық жүйелер» және «Математикалық компьютерлік модельдеу» мамандығын бітірген түлектер «Қазақтелеком» АҚ , ІІМ, ҰҚК, «Салық комитеті», «Южполиметал» АҚ, «ҚазТрансГаз» АҚ, Қазақстанның кез-келген банк саласында және облыстық, аудандық деңгейлерде, жоғары оқу орындарында т.б. салаларда қызметтер атқаруда.

Кафедраны құрылған күннен бастап э.ғ.к., доцент Өтебаев Қалмұрат Әбдіразақұлы басқарды. Қазіргі таңда кафедраны п.ғ.к., доцент Изтаев Жалғасбек Дулатұлы басқаруда. Қазіргі таңда кафедра профессор-оқытушылар құрамы 28 штаттық бірлікті құрайды, олардың шінде  4 - ғылым докторы, профессор, 1- PhD – докторы,  10- ғылым кандидаты, доцент және 13 магистр оқытушылар қызмет атқаруда.

 

 

Кафедраның түлектері өндірістерде, мекемелерде  және фирмаларда  «Бағдарламалаушы» немесе ақпараттық жүйелер маманы ретінде жұмыс істей алады. Кафедраның ҚР-ның және шет елдердің жоғарғы оқу орындарымен ғылыми байланыстары бар, атап айтар болсақ, Вессекс технологиялық институты  (Англия),  Чехия политехникалық институты (Чехия), М.Ломоносов атындағы ММУ (Москва қаласы), Әл-Фараби атындағы Қазақ ұлттық университеті, Қ.Сәтпаев атындағы Қазақ ұлттық техникалық университеті және Т.Рысқұлов атындағы Қазақ экономикалық университеті және т.б.

«Математикалық тәсілдер және модельдеу» кафедрасы 1993 жылдың желтоқсанында құрылды. Ең бірінші кафедра  меңгерушісі болып физика-математика ғылымдарының докторы, профессор Садыбеков Махмуд Абдысаметұлы тағайындалды, қажеттілігі мен мүмкіндігіне қарай «Жоғары математика» мен «Қолданбалы математика» екі кафедраны қосып үлкен жұмыс атқарды. Кафедраны 1996-2003 жылдар аралығында физика-математика ғылымдарының докторы, академик Кальменов Тынысбек Шәріпұлы басқарды. Одан кейінгі жылдары кафедраны ф.-м.ғ.к., доцент Р.Ә.Медетбекова, ф.-м.ғ.к., доцент С.А.Жаппаров, ф.-м.ғ.д, профессор Ә.М.Сәрсенбі,  ф.-м.ғ.к., доцент А.Б.Иманбаевалар басқарды. 

Профессор Исмаилов Б.Р. 2012-2014 жж. «Қосымша қауіпті техногенді апаттардың салдарын болжамдаудың математикалық моделдерін және программаларын құру» тақырыбындағы сомасы 22 млн.тенгелік гранттық ҒЗЖ орындады. Оның нәтижелері ҚР ТЖМ-іның облыстардағы төтенше жағдайлар департаменттерінде қолданылуда. Исмаилов Б.Р. 2007ж. «Жылдың үздік оқытушысы», 2006ж. дан Халықаралық ақпараттандыру академиясының толық мүшесі.

Профессор Муратов Ә.С. 2009ж «Жылдың үздік оқытушысы» номинациясының иегері болды.

Елдің жаһандық бәсекеге қабілеттілігін қамтамасыз ететін экономикалық өсімнің жаңа моделін құру қажеттігі туындаған бүгінгі күні цифрлы технологияны, ақпараттық технологияны ел өміріне енгізуді жүйелі жасау үшін кафедрамыз өз үлесін қосады деп сенімді түрде айта аламыз.

«Ақпараттық жүйелер және моделдеу» кафедрасы профессорларының  ғылыми                 зерттеу жұмыстарының бағыттары

Тәрбие жұмыстары

Кафедра профессор-оқытушыларының негізгі қызметінің бірі студенттерге жоғары сапалы білім берумен қатар, оларды рухани-адамгершілік, азаматтық-патриоттық негізде тәрбиелеу болып табылады.

«Ақпараттық жүйелер және моделдеу» кафедрасында 20 академиялық  топ оқиды: 15 қазақ және 5 орыс тобы. Әр топқа топ тәлімгерлері бекітілген.

«Ақпараттық жүйелер және моделдеу» кафедрасының тәрбие жұмысы 10 бағыт бойынша жұмыс жүргізіледі. Осы тәрбиелік жұмыс жоспарына сәйкес кафедра өзінің іс-шаралар жоспарын жасап, бекітеді. Осы мақсатта жыл сайын көптеген іс-шаралар, оның ішінде «Жастар арасында құқық бұзушылықтың алдын-алу», «Болашаққа бағдар: рухани жаңғыру», «Үздік студент», «Менің таза қалам», «Тәуелсіздік тірегім», «Салауатты өмір-денсаулық кепілі», «Дін және дәстүр», жастар арасында нашақорлық мәселелерін талқылау бойынша семинар, дөңгелек үстел, пікір-сайыстар ұйымдастырылып өткізіледі. Кафедрада студенттермен денсаулық сақтау, дін өкілдерімен, жұмыс берушілермен кездесуін ұйымдастыру дәстүрге айналды. 
2018-2019 оқу жж. 4 қыркүйегінде «Ақпараттық жүйелер және моделдеу» кафедрасында бірінші курстармен бірге жиналыс өткізілді және «Білім жөнінде» ҚР – ның Заңы, университеттің ішкі тәртібі, оқу үдерісі, қоғамдық өмірге араласу сұрақтары бойынша кафедра меңгерушісі Изтаев Ж.Д., аға тәлімгер Куленова Э.Т., және кафедра  эдвайзері Асылбекова А. сөз алып, талқыға салды.

Тәрбиелік ортаны қалыптастыру үшін ЖОО-ның дәстүрі қолданылады: тәлімгерлік, студенттік өзін-өзі басқару «Студенттік кеңес»; «Ақиқат» пікір-сайыс клубы; «Достық» клубы; «Жас ақындар» клубы; «Жас Отан» Жастар қанатының мүшесі болу.

«Сен өзің ойлағаннан мықтысың, Оят өзіңді!»

Кафедра үнемі іс-тәжірибе өту қорларын кеңейтуде. Іс-тәжірибе өту орындары:

Практиканың негізгі міндеті – практика өткізілетін және өндірістік дағды мен әдістер меңгерілетін ұйымның, мекеме немесе кәсіпорынның жұмысын терең зерттеу негізінде білім алушылардың ЖОО-дағы оқыту процесінде алған теориялық білімдерін бекіту.

ҚР мемлекеттік жалпыға міндетті білім беру стандартына сәйкес практиканың төмендегідей түрлері қарастырылған: оқу, оқу-таныстыру, өндірістік және басқалар.
Оқу практикасының мақсаты білім алушыларды ЖОО жүзеге асыратын білім беру бағдарламаларымен, ЖОО-ның іс-әрекетімен, мамандығымен, болашақ кәсіби іс-әрекеттің міндеттері мен қызмет түрлерімен таныстыру.

Университет тарапынан оқу практикасының жетекшісі ретінде кафедраның жетекші оқытушылары тағайындалады. Оқу практикасы пәнді меңгертудің жалғасы ретінде анықталған жағдайда оны кафедраның осы саладағы оқытушылары жүргізеді.
Өндірістік және дипломалды практикасының жетекшілері ретінде кафедраның жетекші оқытушылары (профессорлар, доценттер, аға оқытушылар) тағайындалады.

 

Практика базалары: 

  1. ЖШС «ARMS» - Құрылыс қызметтерін көрсету мекемесі (Шымкент қ,);
  2.  ЖШС «Жомарт- Қамқор» - Құрылыс қызметтерін көрсету мекемесі (Шымкент қ,);
  3. ЖШС «Компания Шин Line» - Көлік қызметтерін көрсету мекемесі ;
  4. РМК «Фитосанитария» - Санитарлық қызмет көрсету мекемесі;
  5. ЖШС «Мейіржан-Моторс» - Көлік сату мекемесі;
  6. ЖШС «Сфера -Ф» Құрылыс қызметтерін көрсету мекемесі (Шымкент қ,);
  7. ЖШС «Отау Строй» Құрылыс қызметтерін көрсету мекемесі (Шымкент қ,);
  8. «Теориялық және қолданбалы математика»  ғылыми орталығы;
  9. «АТФ» Банк АҚФ – банктік қызмет көрсету мекемесі (Шымкент қ.);
  10. Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті Шымкент қаласы
  11. ЖШС «Табыс-Е» (Жетісай қ.);
  12. ЖШС «Баланс Сервис» (Шымкент қ,);
  13. ЖШС «Агроконсалтинг» (Шымкент қ,);
  14. ЖШС  "ФудМастер-Трэйд" компаниясы(Шымкент қ,);
  15. «Қазақстан Темір Жолы» АҚ – темір жол қызметтерін көрсету мекемесі(Шымкент қ,);
  16. АҚ«Казпочта» - байланыс қызметтерін көрсету мекемесі (Шымкент қ,);
  17. ЖШС «MACINTOSH» (Шымкент қ,);

 

Ғылыми жұмыс

Кәсіби бағдар беру жұмысы

Кәсіби бағдар беру — жас ұрпақты өзі қалайтын тиісті мамандықты саналы түрде таңдап алуға дайындауға бағытталған іс-әрекеті,  кәсіби бағдар беру арқылы оқушыларды мамандықтар әлемінде, олардың мазмұны, ерекшеліктері, жеке тұлғаға қоятын талаптарын өз бойындағы қасиеттерімен ұштастырып, оның нарықтық экономика жағдайындағы рөліне сай саналы таңдалып алынған мамандыққа мүдделілігін тәрбиелеуді қажет етеді.

Кәсіби бағдар беру жұмысы Шымкент қаласы және Түркістан облысы мектептерінде өткізіледі.  Мектептердің бітіруші түлектерімен кездесу барысында біздің оқытушылар барлық мамандықтар бойынша бөлінген білім беру гранттары туралы, шығармашылық мамандықтар бойынша қабылдау ережелері мен емтихандарды тапсыру туралы түсіндірулер жүргізіп М. Әуезов атындағы ОҚМУ туралы толық ақпарат береді.
Ақпараттық буклетер, плакаттар  таратылады және де талапкерлер үшін кеңес беру өткізудің уақыты мен күндері хабарланады.

Кәсіби – бағдар беру жұмыстарын өткізу мақсатында  М.Әуезов атындағы Оңтүстік Қазақстан мемлекеттік университеті, «Ақпарттық жүйелер және моделдеу» кафедрасы бойынша Сарыағаш ауданына қарасты  №7 Төлеби, №13 Каз. 50 жыл, №29 Ұлықбек, №36 К.Тоқмұхаметова, №37 Б.Майлин, №137 ЖОМ, №82 Ж.Жабаев,  №55 О.Жәутіков т.б. мектептерге барып, сонымен қатар Шымкент қаласындағы  кафедраға қарасты мектептер  "№2 Білім-инновация" қыз балалар лицей-интернаты", №31 Терешкова атындағы жалпы орта мектеп  бітірушілерімен және 5В070300-Ақпарттық жүйелер, 5В070500 - «Математикалық және компьютерлік модельдеу» мамандықтары бойынша коллеждерге барып «М.Өтебаев атындағы жаңа технологиялар», «Болашақ»,  «Гуманитарлық – агроэкономика», «Көпсалалы» колледждеріне  кәсіби – бағдар беру жұмыстарын жүргізіп және үгіт-насихат жұмыстарын  ұйымдастырып отырамыз.

Жалпы  ЖОО тапсыруға ниетті бітіруші талапкерлер көпшілігі М.Әуезов атындағы Оңтүстік Қазақстан мемлекеттік университетіне оқуға тапсыратынын білдіреді.