Ақпараттық жүйелер және моделдеу

 Кафедра меңгерушісі

Изтаев Жалғасбек Дулатұлы

педагогика ғылымдарының кандидаты, доцент

Мекен-жайы: Шымкент қ., 486018, Тәуке хан даңғ. 5, ОҚМУ,  «4» корпусы, 7-қабат, 701 каб.

Телефоны: 8(7252) 30-05-88

e-mail: jalgasbek_uko@mail.ru

►Профессор – оқытушылар құрамы

Түзету әрекеттерінің жоспары

Модульды білім жүйесі- Ақпараттық жүйелер

Модульды білім жүйесі- Математикалық және компьютерлік модельдеу

Жалпы мәлімет

«Ақпараттық жүйелер және моделдеу» кафедрасында мына мамандықтар бойынша мамандар әзірленеді:

5В070300 – Ақпараттық жүйелер

Оқу мерзімі: 4 жыл

Маман біліктілігі: Ақпараттық жүйелер мамандығы бойынша бакалавры.

Магистратура

6M070300 – Ақпараттық жүйелер

 

5В070500 – Математикалық және компьютерлік моделдеу

Оқу мерзімі: 4 жыл

Маман біліктілігі: Математикалық және компьютерлік моделдеу мамандығы бойынша бакалавры.

Магистратура

6М070500 – Математикалық және компьютерлік моделдеу

 

«Ақпараттық  жүйелер және моделдеу » кафедрасының тарихы

Ақпараттық жүйелер  кафедрасы 2002 жылы М.Әуезов атындағы ОҚМУ-нің Экономикалық кибернетика кафедрасының негізінде құрылған. Кафедраны құрылған күннен бастап э.ғ.к., доцент Утебаев Қалмұрат Әбдіразақұлы басқарды.  Қазіргі таңда кафедрада  4 - ғылым докторы, профессор, 1- PHD – докторант,  10- ғылым кандидаты доценттер және 13 магистр оқытушылар бар. Кафедра 5В070300- мамандығы бойынша бакалаврларды және 6М070300 - мамандығы бойынша  магистрлерді, 5В070500 -«Математикалық компьютерлік модельдеу» мамандықтары бойынша бакалаврлар және 6М070500 - «Математикалық компьютерлік модельдеу» мамандығы бойынша магистрлерді дайындайды.  «Ақпараттық жүйелер және моделдеу» кафедрасының магистрлері шет елдерде іс-тәжірибеден өтеді. «Ақпараттық жүйелер» және «Математикалық компьютерлік модельдеу» мамандығын бітірген түлектер «Альянс банк», «Қазақтелеком» АҚ , «Салық комитеті», «Южполиметал» АҚ, «ҚазТрансГаз» АҚ және т.б. салаларда қызмет атқарады.

Елбасымыздың “Үш тұғырлы тіл”  саясатын қолдау мақсатында университет тарапынан «Global Intership» Академиялық ұтқырлық бағдарламасы арқылы тіл дамыту мақсатында “ Ақпараттық жүйелер” кафедрасының доценті С.Б.Ботаева 2016 жылы Италия мемлекетінде біліктілігін арттырды.

“Өрлеу” оқытушылардың біліктілігін арттыру бағдарламасы бойынша “ Ақпараттық жүйелер” кафедрасының оқытушысы А.А.Мугалбекова 2015 жылы Испания мемлекетінде Валенсия Политехникалық университетінде тәжірибе алмасып біліктілігін арттырды.

Кафедра доценті Х.Б.Исмаилов «Болашақ» бағдарламасы  бойынша  М.Ломоносов атындағы ММУ ғылыми іс-тәжірибеден 2014 жылдың наурыз айында өтті (Москва қаласы).

Кафедра түлегі Д.Алимтаев магистрлік оқуын Малайзияда жалғастырды, Ж.Сарсенов «Болашақ» бағдарламасы бойынша магистратураны Англияда  бітірді. Кафедраның түлектері өндірістерде және фирмаларда  « Бағдарламалаушы» ретінде, сонымен қатар ақпараттық жүйелердің маманы ретінде жұмыс істей алады. Кафедраның ҚР-ның және шет елдердің жоғарғы оқу орындарымен ғылыми байланыстары бар, атап айтар болсақ Вессекс технологиялық институты  (Англия),  Чехия политехникалық институты (Чехия), М.Ломоносов атындағы ММУ (Москва қаласы), Әл-Фараби атындағы Қазақ ұлттық университеті, Қ.Сәтпаев атындағы Қазақ ұлттық техникалық университеті және Т.Рысқұлов атындағы Қазақ экономикалық университеті және т.б.

       «Математикалық тәсілдер және модельдеу» кафедрасы 1993 жылдың желтоқсанында құрылды. Ең бірінші кафедра  меңгерушісі болып физика-математика ғылымдарының докторы, профессор Садыбеков Махмуд Абдысаметұлы тағайындалды, қажеттілігі мен мүмкіндігіне қарай «Жоғары математика» мен «Қолданбалы математика» екі кафедраны қосып үлкен жұмыс атқарды. Кафедраны 1996-2003 жылдар аралығында физика-математика ғылымдарының докторы, академик Кальменов Тынысбек Шәріпұлы басқарды.  2017 жылға дейін физика-математика ғылымдарының докторы, профессор Сәрсенбі Әбдіжаhан Манапұлы кафедраны басқарды. 

2017 жылы қыркүйек айынан бастап «Ақпараттық жүйелер» кафедрасына  «Математикалық тәсілдер және модельдеу» кафедрасы біріктіріліп, кафедра атауы «Ақпараттық жүйелер және моделдеу» кафедрасы болып өзгертілді.

            2018 жылдың қаңтар айынан бастап «Ақпараттық жүйелер және моделдеу» кафедрасының меңгерушісі болып п.ғ.к., доцент Изтаев Жалғасбек Дулатұлы тағайындалды.

 

Жаңалықтар

Елбасымыздың “Үш тұғырлы тіл”  саясатын қолдау мақсатында университет тарапынан «Global Intership» Академиялық ұтқырлық бағдарламасы арқылы тіл дамыту мақсатында “АЖ” доценті С.Б.Ботаева Италия мемлекетіне біліктілігін арттырды.

“Өрлеу” оқытушылардың біліктілігін арттыру бағдарламасы бойынша “АЖ” кафедрасының оқытушысы А.А.Мугалбекова Испания мемлекетінде Валенсия Политехникалық университетінде тәжірибе алмасты.